«Қазэнергокабель» акционерлік қоғамының зауытында жылына 15 мың тонна алюминий созбасымын шығаратын жаңа цех салынуда. Құны 2,5 миллион доллар инвестициялық жоба облыстық Индустрияландыру картасына кіріп отыр.

Жаңа өндіріс, кабельдер және түрді диаметрлі сымдар шығаратын зауытты әзірге сырттан сатып алынып отырған созбасым өнімімен қамтамасыз етеді. Жаңа өнім «Қазақстан электролиз зауыты» акционерлік қоғамы шығаратын жергілікті алюминийден жасалатын болады.

«Жаңа цехта 70 жұмыс орны ашылады. Құрылыс және жабдықтарды құрастыру жұмыстарын алдағы жазда аяқтау жоспарлануда», - деп хабарлады кабель зауытының бас директоры Дмитрий Цымбал.