Павлодарда «Бес асыл» қоғамдық қоры мен «Ертіс дарыны» аймақтық ғылыми-тәжірибелік мектебі «Мектептердің 100 үздік түлегі» кітабын басып шығарады.

Осынау игі іс бастамашыларының айтуынша, жоба «Зияткер ұлт -2020» президенттік жобасының және мемлекеттік жастар саясатының орындалуы аясында әзірленіп отыр.

Басылымның мақсаты - зияткерлік, шығармашылық және спорттық конкурстарда жетістіктерге қол жеткізген дарынды оқушыларды, «Алтын белгі» аттестатынан үміткерлерді қолдау, мектеп түлектерінде әлеуметтік проблемаларға деген қатыстылық сезімін қалыптастыру.

Кітапқа сондай-ақ «Менің өмірлік ұстанымым», «Отбасы шежіресіндегі менің ролім», «Менің басымдықтарым мен келешегім» деген тақырыптарды арқау еткен эссе конкурсы жеңімпаздарының да еңбектері кіретін болалы. Конкурсқа қатысушылар грамоталарының, дипломдарының, гранттарының көшірмелерін ұсынып, өз жетістіктерін растаулары қажет.

Туынды республика тәуелсіздігінің құрдастары - қазіргі оқушылардың жетістіктерін насихаттауға негізделіп отыр.